
遍知贝玛嘎波大师教言集PK163ཕྱག་ན་རྡོ་རྗེ་གཏུམ་པོ་ནུས་མཐུའི་སྐོར་གྱི་དཔེ་ཐོ་བཞུགས་སོ།།
16-555
༄༅། །ཕྱག་ན་རྡོ་རྗེ་གཏུམ་པོ་ནུས་མཐུའི་སྐོར་གྱི་དཔེ་ཐོ་བཞུགས་སོ།།
༄༅། །ཕྱག་ན་རྡོ་རྗེ་གཏུམ་པོ་ནུས་མཐུའི་སྐོར་གྱི་དཔེ་ཐོ་བཞུགས་སོ། ། ༄༅།།ནུས་མཐུ་ཀུ་མུཏྟ་ཁ་བྱེ་བའི་ཆུ། །འཐུང་བར་འདོད་ལ་སྙིགས་དུས་མཚན་མོའི་ཁྲོད། །གསང་བསྟན་རྒྱུ་སྐར་
བདག་པོའི་འོད་རྒྱས་པ། །འབྲུག་ལུགས་ཡར་ངོའི་ནང་འདིར་སྐལ་བཟང་འགྱུར། །དེ་ཕྱིར་ཚེས་ནས་གང་བའི་བར། །ཕྱག་བྱར་འོས་པའི་བླ་མའི་རབ། །ཡེ་ཤེས་སྨད་ལྔ་སར་གཏུགས་པའི། །ཕྱག་ནི་བརྒྱ་ཕྲག་བརྒྱར་
བགྱིད་དོ། །འདིར་དཔལ་ལྡན་འབྲུག་པའི་ཉམས་བཞེས་གཏུམ་པོ་ནུས་པའི་སྐོར་དུ་གྲགས་པའི་ཆོས་ཀྱི་སྡེ་ཚན་ལ་ཇི་ཙམ་སྙམ་ན། གླེག་བམ་དུ་བཀོད་པ་འདི་ལྟ་སྟེ། ཐོག་མར་མཚན་ཉེར་གཅིག་པ།
བརྒྱ་རྩ་པ། བསྟོད་ཆེན་གསུམ་མཆོད་བརྗོད་ཀྱི་ཚུལ། རས་ཆུང་ཞབས་ཀྱི་གསུང་རྒྱུན་གྱི་ལོ་རྒྱུས། གླན་ལོ་ཙ་བའི་ལུགས་ཀྱི་ལོ་རྒྱུས་བྱོན་པའི་ཁུངས་སུ་བྱས། གསང་བ་བསྟན་པའི་རྒྱུད་ལེའུ་ཉི་ཤུ་
རྩ་གཅིག་པ་རྩ་བ། འདི་ལ་འགྲེལ་པ་ཞང་ཚུལ་གཞོན་དུ་གྲགས་པ། ལོ་ཙ་བ་དང་རྗེ་བཙུན་གཉིས་ཀྱི་ཞལ་སློབ་ཞིག་གིས་དང་། ཞལ་བུ་པ་ཟེར་བའི་ཆོས་རྗེའི་དངོས་སློབ་གཅིག་གིས་བྱས་
པ་གཉིས་མཐོང་ཡང་ཚིག་ཚོགས་ཆེ་ལ་རྒྱུད་ལུང་ཕྱེད་པར་མ་མཐོང་ནས། བདག་གིས་གསང་བའི་སྙིང་པོ་ཞེས་བྱ་བའི་རྒྱུད་བསྡུས་དོན་མན་ངག་ཏུ་བཀྲལ་བ་འདི་སྦྱར་ཏེ། འདིར་བཞུགས་བཅུག །དེ་ལྟ་བུའི་རྒྱུད་ཉན་བཤད་སྒོམ་པ་དབང་ཐོབ་པ་ལ་རག་པས། 
16-556
དཀྱིལ་འཁོར་གྱི་ཆོ་ག་བཟང་པོ་མདོར་བསྡུས་པ་ཞེས་བྱ་བ་ལས་ཀྱི་རྡོ་རྗེས་མཛད་པ། འདི་ལ་ཁ་ཆེ་ནས་བྱུང་བ་ལ་ལྷ་བཅུ་གསུམ་མའི་བསྟོད་པ་ཡོད་པ་དང་། ཡུལ་དབུས་ཀྱི་དཔེ་
ལ་དེ་མེད་པ་དང་པོ་བསྲེ་ལྷད་ཅན་ཡིན་པས་ཕྱི་མ་དབང་བཙན་པར་བྱས། གཞན་ཝ་ལ་ཙནྡྲ་དང་། གྲུབ་ཐོབ་གླིང་གིས་མཛད་པ་གཉིས། དབང་ཐོབ་ནས། རྒྱུད་རང་གི་ལུགས་ལ། གཙོ་བོར་དཔའ་
བོ་གཅིག་ཏུ་བསྙེན། དཀྱིལ་འཁོར་ཆེན་པོར་སྒྲུབ། རྡོ་རྗེ་ཕུར་བུས་ལས་ལ་སྦྱར་བ་ཡིན་པས། དང་པོ་ཕྱི་སྒྲུབ་ཀྱི་གཞུང་། ཡིག་སྣ། ལག་ལེན་རྒྱུད་ལུགས་སུ་བཀོལ་པ་ཞལ་གདམས་སྙན་དུ་བརྒྱུད་པ་
བདག་གིས་ཡི་གེར་བཀོད་པ། བདག་སྐྱེད་ཆོས་རྗེ་ཉིད་ཀྱི་དང་། འདི་ལ་ཁྱུང་ལྔའི་དཀྱིལ་འཁོར་མདུན་དུ་བཀོད་ནས་བྱིན་རླབས་མཛད་ནས་སྟོན་པས་སྤྲུལ་འབྱིན་དུ་གྲགས་པ་གསུང་ཟིན་བྲིས་བྱར་སྒོམ་གྱིསོ། །
གཉིས་པ་དཀྱིལ་འཁོར་ཆེན་པོར་སྒྲུབ་པ་ནང་སྒྲུབ་ཏུ་བཞག་པ་ལ། གསང་བསྟན་རང་གི་དངོས་བསྟན་དང་བསྟུན་པ་གོས་སྔོན་ཅན་གྱི་སྒྲུབ་ཐབས་ཆེན་མོ། དེའི་དགོངས་འགྲེལ་ལོ་ཙཱ་བས། ལས་ཀྱི་སྦྱོར་
ཀ་ཆེན་མོ། སྦྱིན་སྲེག་གསུམ་ལས་ཀྱི་རྡོ་རྗེ་རང་གིས། ལས་བཞིའི་སྦྱིན་སྲེག་ཕྱག་བཞེས་མ། ཚོགས་ཀྱི་འཁོར་ལོའི་ཆོ་ག་ལས་ཀྱི་རྡོ་རྗེས། གོས་སྔོན་ཅན་གྱི་གཏོར་མ་སློབ་དཔོན་བྷ་ཝས། །རྡོ་རྗེ་འཛིན་པའི་གཏོར་མའི་ཆོ་ག་སློབ་དཔོན་ཤིང་ལོ་པས་སོ། །
16-557
བཤད་རྒྱུད་གསེར་མིག་འཁྱིལ་པ་དང་བསྟུན་ནས་ནང་སྒྲུབ་ཡིད་བཞིན་ནོར་བུ་ལས་ཀྱི་རྡོ་རྗེས། འདིས་ཁྱུང་ཉི་ཤུ་རྩ་གཅིག་ཁྱད་པར་གྱི་འཁོར་བཞི་དང་བཅས་པའི་དཀྱིལ་འཁོར་བསྟན་ལ། དེའི་ཡིག་སྣ་
ལག་ལེན་དུ་བྱས་པའི་མངོན་དཀྱིལ་ཁོ་བོའི་རྗེ་བླ་མས་མཛད་པ་ཡིག་ཚོགས་ཆེ་བས་ལོགས་སུ་བྱས། གསུམ་པ་ལས་སྦྱོར་སྟོན་པ་ལ། རྡོ་རྗེ་གཏུམ་པོ་ཁྱུང་དང་བཅས་པའི་སྒྲུབ་ཐབས་རྒྱས་པ་
ལས་ཀྱི་རྡོ་རྗེས། མངོན་རྟོགས་སོགས་མན་ངག་ལོ་ཙཱ་བ་ལུགས། གསང་བ་ཐུགས་ཀྱི་ཕུར་གཅིག་མ་འབྲིང་པོོ་ལས་ཀྱི་རྡོ་རྗེས། ས་བཅད། སྒྲུབ་པའི་ལག་ལེན་རྒྱལ་བ་ལོས། སྒྲུབ་ཐབས་ཀྱི་གཞུང་རྣམ་
པར་བཤད་པ་གླིང་གིས། གནད་གདམས། ལྷ་ལྔའི་བསྲུང་བ། བསྲུང་བ་གཅུན་མཆོག །ཟློག་པ་དྲག་པོ་གནམ་ཐོག་གི་རྒྱུད། ལས་བཅུའི་ཞལ་གདམས། ཕྱི་སྒྲུབ་གསང་བ་ཅེས་པ་བསྡུས་པ་ལས་ཀྱི་རྡོ་རྗེས་སོ། །
འདི་རྣམས་རས་ཆུང་པས། བརྟག་པའི་མན་ངག་ཤིང་ལོ་པས། དེའི་ཞལ་སྒྲིགས་རྗེ་རས་ཆུང་པའི་གསུང་རྒྱུན་ལྷ་ཅིག་གིས། ཀླུའི་རྒྱལ་པོའི་དཀྱིལ་འཁོར་བསྟན་པ། ཨཱ་ཙརྱ་ཛྙཱ་ན་པཱ་དེས་མཛད། ཀླུ་གཏོར་
ལོ་རྒྱུས། ཀླུ་གཏོར་རྒྱས་པ། གཏད་ཕྱུང་ལས་རིམ། གཏད་འགྲོལ་བྱ་བ་ཆོ་ག །གཏད་དབྱུང་ལྡེ་མིག། །ཚ་ཚ། སྡེར་བཤལ། རྫས་ཀྱི་མཛེ་གསོར་ཤེར་སྣ་བའི་ཟིན་བྲིས། ཁམས་གསུམ་རྣམ་རྒྱལ་གྱི་སྒྲུབ་ཐབས་ལས་ཀྱི་རྡོ་རྗེས། 
16-558
ས་བཅད། དེའི་དོན་རྒྱས་པ་རྗེ་བཙུན་མི་ལས། ཕྱག་ཆ་རང་ལ་སྐོར་བའང་རྗེ་བཙུན། ནག་པོ་ཆེན་པོའི་སྒྲུབ་ཐབས་ལས་ཀྱི་རྡོ་རྗེས། དེའི་གསལ་བྱེད་ལོ་ཙཱ་བ་བླན་དར་མ་ཚུལ་ཁྲིམས་ཀྱིས།
ཁྲོ་བོ་བདུད་རྩི་འཁྱིལ་བའི་སྒྲུབ་ཐབས། ལས་ཀྱི་རྡོ་རྗེས། འདིའི་འགྲེལ་པ་ཡོད་སྣང་མ་རྙེད་རྙེད་ན་འདིར་གཞུག། །། ཛམྦྷ་ལའི་སྒྲུབ་ཐབས། ལས་ཀྱི་རྡོ་རྗེས། དེའི་རྒྱས་བཤད་ལོ་ཙཱ་བས། ས་བཅད། ཁྱུང་
ཟིལ་གནོན་གྱི་སྒྲུབ་ཐབས་ལས་ཀྱི་རྡོ་རྗེས། གསལ་བྱེད་མི་ལས། དེ་ལ་ཞང་ཚུལ་གཞོན་གྱིས་ཅུང་སྤྲོས་པ་དམར་སྟབས་པ་ཁྱུང་བསྟོད་བླ་མ་ཝ་ལས། བསྐྲད་པ་དང་བསོད་ནམས་རྒྱུན་གཅོད་ཞལ་གདམས།
གནོད་སྦྱིན་ནག་པོའི་སྒྲུབ་ཐབས་ལས་ཀྱི་རྡོ་རྗེས། གནོད་སྦྱིན་ནག་མོའི་སྒྲུབ་ཐབས། འཁོར་སྒྲུབ་རྗེ་བཙུན་རས་ཆུང་པས་བླ་མ་མི་ལ་ལ་གསན་པའོ། །བྱིན་རླབས་ཤ་བ་རས་ལྷན་ཅིག་སྐྱེས་པའི་སྒྲུབ་
ཐབས་ལས་ཀྱི་རྡོ་རྗེས། ཐུགས་ཀྱི་སྙིང་པོའི་སྒྲུབ་ཐབས་རྗེ་རས་ཆུང་པས་ར་ཤེར་སྣང་བའི་དོན་དུ་མཛད་པ། འདི་གཉིས་གཏུམ་ཆུང་མེ་འབར་གྱི་གཞུང་རྩ་བ་ཡིན། དེ་ལྟར་རྗེ་གོང་མ་རྣམས་
ལས་མ་འདྲེས་པར་བརྒྱུད་པའི་བསྐྱེད་རིམ་དེ་ཙམ། རྫོགས་རིམ་ལ། ཁྲིད་ཀྱི་སྔོན་འགྲོ་རིམ་པ་གཉིས། དཔའ་བོ་འབྲུ་གཅིག་པའི་གཞུང་ཕྱག་རྡོར་གྱིས་ཙི་ལུ་པ་ལ་གནང་བ། དེའི་མན་ངག་མཚན་གཉིས་འདིའི་གབ་ཕྱུང་། 
16-559
རྟེན་ཅན་རྣལ་འབྱོར་ལྔ་པ་ཀུན་སྙན་བརྒྱུད་དུ་བཞུགས་པ་བདག་གིས་དཔེར་བཀོད་པའོ། །གོང་ཁུག་མའམ་གཏུམ་ཆུང་མེ་འབར་གྱི་ནད་བརྟག་པ། གཞུང་། གདོན་དགྲ་ལ་སྤོ་བའོ། །འདི་སྨད་འབྲུག་ནས་ལྷོ་བྲག་
པ་མཁན་ཆེན་ཕྱག་རྡོར་བ་དེ་ནས་བྱུང་། གཏུམ་པོ་གསང་སྒྲུབ་ཏུ་གྲགས་པའམ། གཏུམ་ཆུང་བླ་མེད་ཀྱི་ལོ་རྒྱུས། དབང་ཆོག་འབྲི་ཁུང་ལོ་ཙཱ་བས། དེའི་བསྐྱེད་རིམ་ལས་ཀྱི་རྡོ་རྗེས་མཛད་ཟེར་ཀྱང་
རས་ཆུང་པའི་ཟིན་བྲིས་སུ་སྣང་། དེའི་ཁྲིད། འཁྲུལ་འཁོར། ཞལ་གདམས་རྣམས་ཀྱང་རས་ཆུང་ཞབས་ཀྱིས་མཛད་པའོ། །བྱིན་ཡ་ཀའི་སེར་བ་འདིར་བཞུགས་ཀྱང་ཕྱག་རྡོར་གྱིས་ཆོས་སྡེར་མ་གཏོགས་མཉམ་དུ་བྱོན་པའི་
ཟླ་དགའོ། །མཛེ་གསོ་ཀླུ་སྒྲུབ་དང་། ཀླུའི་རྒྱལ་པོའི་ཞུ་ལན། མན་ངག་རིམ་པ་གཉིས་རྣམས། ཆ་མཐུན་འདིར་འོས་ནས་སྡེབས་པའོ།། །། དཔྱད་པ་གསུམ་གྱི་དག་བྱེད་འདི། །པདྨ་དཀར་པོའི་ལས་སྐལ་ཡིན། །ཅལ་བརྒྱུགས་
འབྲང་ལ་ཅི་ཆ་ཡོད། །ཆོས་བཞིན་མཛད་ན་འདི་འདྲས་དགོས།། ༎སརྦ་མངྒལཾ༎

